Glowitz Kreis Stolp
Glowitz Kreis Stolp

Dörpwihnachten

Nu klingen ball de Wihnachtsklocken
an schallen rin in jede Stuuw,
un buten danzen Witte Flocken,
un jeder Posten hätt sien Huuw.
Dörp ut. Dörp in — wat liggt för’n Duft
von Wihnachtskoken in de Luft!

 

Nu klingen ball de Wihnachtslejer,
so manj ull Wies’ ut Kinnermun’n
De Mäks, de näjen Puppenklejer
un luern up de Abendstun’n.
dat Mudder’n Wihnachtsdisch ehr deckt
un ehr den Wihnachtsboom ansteckt.

 

Un Mudder geht dörch Kök un Kamer
un möckt för’t Christkind alles trecht.
De Jongs, de doon hüt uck väl tamer,
se hewwen sick up’t Horken leggt.
Wo’n Schlötelloch un’n Ritz in d’ Dör,
dor sitt os Fritz un Hanner vor.

 

De Ulln in ehren Stool bin’n Awen.
se sitten still un in sick kehrt,
un ehr Gedanken gaan na bawen
to den. de os dit Fest beschert,
un wannern trüggwarts in de Joor,
wo’t Oog was hell un brunn dat Hoor.

 

Kümmt Vater ümmer no’ nich rinner?
Hüt bliwt he woll bet in de Nacht?
Süs ward dat düster väl, väl schwinner!
Wat gaan doch hüt de Wiser sacht!”
Nu piept de Dör! Nu is’t so wiet!
Nu, Wihnachtsmann, nu kumm! ‘t is Tied! —

 

Emil Dräger, geb. am 21. September 1878 in Cremlin, Kreis Soldin, Neumark, Lehrer in Pyritz , verstorben in Pyritz am 21. September 1927.